Ֆրանչիսկոս Սրբազան Քահանայապետի 31 մարտի քարոզը ` Անշարժ չմնալ, յարատեւել եւ յառաջ
ընթանալ դէպի Աստուծոյ խոստումները
Երկուշաբթի, 31 մարտի առաւօտեան, Ֆրանչիսկոս Սրբազան Քահանայապետը, Տոմուս Սանթա Մարթայի
մատրան մէջ մատուցած Սուրբ Պատարագի ընթացքին արտասանած քարոզին մէջ, ներշնչուելով Եսայի
մարգարէի օրուայ սուրբ գրային ընթերցումէն յայտնեց, թէ երեք դասակարգի պատկանող քրիստոնեաներ
գոյութիւն ունին.
Առաջինը՝ անշարժ քրիստոնեաներ, որոնք տկար յոյս
ունին, Աստուծոյ պատուիրանները կը յարգեն համոզուած ըլլալով թէ ամէն ինչ դէպի լաւ պիտի
ընթանայ։ Տէրը, ըսաւ Սրբազան Հայրը, այս անձերը որպէս թթխմոր չի կրնար օգտագործել, որովհետեւ`
անշարժ են։
Երկրորդ՝ Քրիստոնեաներ, որոնք
իրենց ճանապարհը կը կորսնցնեն. Ամէնքս կրնանք սխալիլ – յարեց Նորին Սրբութիւնը – սխալիլը
հարց չէ, հարցը այն է` թէ երբ սխալինք ու անդրադառնանք մեր սխալին ետ քայլ՝ չենք ըներ։
Իսկ երրորդ՝ Քրիստոնեաներ, որոնք միայն կը թափառին՝
առանց նպատակ մը հետապնդելու, կարծելով թէ կեանքը եղած է միայն զբօսաշրջութեան համար։
Մեր Տէրը մեզմէ կը խնդրէ, յարատեւել առանց կենալու, հետապնդելով Աստուծոյ խոստումները։
Քարոզի
աւարտին Ֆրանչիսկոս Պապը ըսաւ. ''քառասնորդաց շրջանը ատակ շրջան մըն է՝ խորհելու, թէ
ես .արդեօ՞ք կը յարատեւեմ՝ կամ անշարժ կեցած եմ , արդեօ՞ք ճանապարհս սխալա՞ծ եմ,
կամ ՝ զբօսաշրջութիւն կը կատարեմ''։ Խնդրենք Տիրոջմէ շնորհքը վերագտնելու ճանապարհը,
վերսկսելու ուղղեւորութիւնը դէպի խոստումները։